經濟環境未明，百物騰貴，對於每日在路上奔波「搵食」的客貨車司機而言，除了油價高企，車輛的維修保養開支亦是一大重擔。近日，商用車市場的龍頭之一平治（Mercedes-Benz）罕有地針對旗下熱門客貨車Vito推出「貼地價」保養組合，似乎有意在逆市中出招，穩定客源之餘，亦為一眾司機大佬減輕負擔。

「手停口停，架車有咩頭暈身㷫，好多師兄為咗慳錢，都係搵相熟車房搞掂。」擁有超過25年維修歐洲客貨車經驗的雄哥坦言，不少司機視原廠保養為「智商稅」，覺得價錢太「揦脷」（昂貴）。他指出，坊間車房更換機油、風格等基本保養，收費可能比原廠平三至四成，對「慳得一蚊得一蚊」的司機而言，吸引力十足。

不過，雄哥提醒，當中亦存在隱憂：「最大問題係零件來源同電腦檢測。副廠零件質素參差，尤其係機油隔、風格呢啲消耗品，用料差啲可能影響引擎表現同壽命。更重要嘅係，而家啲車全部電子化，冇原廠電腦（XENTRY診斷系統）根本check唔到深層次嘅故障碼，好多隱藏問題就咁被忽略，到出大事就後悔莫及。」他強調，原廠保養貴在專業工具、標準工序及零件保證，「長遠計，可能仲慳返唔少維修費同時間。」

面對司機們在成本與質素之間的掙扎，平治香港近日宣佈，即日起至本年12月31日，為旗下Vito（W447及W639型號）車主推出「星級售後服務組合」，收費僅港幣$1,360。

據悉，該組合包括更換原廠機油及機油過濾隔（原價$2,200），以及價值$1,360的原廠XENTRY電腦診斷，單是這兩項已「值回票價」。此外，優惠更額外贈送更換頭水撥服務及紀念品，可謂誠意十足。

對司機而言，另一大亮點是可獲取中國石油的專屬柴油折扣卡，每升勁減$17。在目前油價高企的環境下，此舉無疑能直接降低日常營運成本。同時，車主在優惠期內進行其他維修，亦可享零件8折及人工9折。針對指定年份的Vito車主，更可以$5,800的優惠價更換原廠擋風玻璃，較原價節省逾兩千元。

在運輸業界經營日益困難的當下，車廠主動減價提供核心保養服務，能否成功吸引司機們「回歸」原廠，在保障行車安全的同時達致雙贏局面，值得市場及一眾「搵食車」司機持續留意。